التصوير
التصوير
بالنسبالى انى بوقف لحظة من حياتى وأصورها وكمان بياخد لحظة تانية من الزمن لما
باجى أشوف الصوره
أنا بحس ان اليوم متسجلش وساعات
كتير مبفتكرهوش لو متصورش
وببقى
مبسوطه لما حد يشوف صوره أنا مصوراها ويقولى الله حلوه أوى او لما تكون منظر طبيعى
ولما حد يشوفه يقول سبحان الله.. وبستغرب جدا
الناس
اللى بتقول التصوير حرام أنا شايفه ان التصوير ممكن يبقى حرام أو حلال على حسب أنا
بصور ايه زى كل حاجه ممكن نستخدمها فى اتجاهين....
وساعات
بشوف حاجات فى الصوره مش بشوفها فى الحقيقة وساعات ببقى قاصده انى اصور حاجة معينة ولما اشوفها ألاقى ان الصوره فيها حاجات كتير" انى ممكن اعمل من صوره كذا
صورة".
مره
غامرت ودخلت بيت مهجور وشكله مخيف وكل بيبانه متقفله وصورت وحسيت انى كسرت حاجز
لأنى طول عمرى كنت بخاف
مرة صورت حاجة كدة وخفت بعدها ومسحتها لأن بيقولوا البيت المهجور بيكون ليه .... سكناه
صوت
الكاميرا بحبه أوى وبحب أوى لما أروح مكان جديد وأصوره.... ولو روحت مكان جديد
ومصورتوش مش ببقى مبسوطه زى ما اصوره
الأول
انا كنت بتكسف لما آجى أصور فى الشارع وأحس ان الناس كلها بتبصلى واللى يقول ايه
ده دى شكلها صحفية واللى .... واللى... واللى .... لكن دلوقتى مبقاش يفرق معايا
بالعكس بقيت لما ألاقى حاجه عايزه أصورها ممكن أبتسم للشخص واطلب منه وهو ليه مطلق
الحريه يقبل أو يرفض ولو رفض مش هضايق دى حرية شخصية
ووقت
الثورة نزلت أصور، وكمان ان السبب الرئيسى اللى خلانى انزل انى ما أحسش انى سلبيه
واشارك فى تغيير بلدى..........
أينعم
البلد متغيرتش بس أهو انا عملت اللى عليا، ولأن لما كنت بصور آجى اتفرج على
الصوره فى البيت ألاقى واحد عمال يهتف واللى جاى يتفرج واللى واللى وشوش كتير
بشوفها فى الصورة بتعبر عن إحساس أكتر من اللى بتعبره الحقيقه.
ساعات
بشوف ناس أجانب بيصوروا العشوائيات أو الأماكن اللى فيها زبالة، كنت بضايق لأن مصر
فيها
حاجات
كتيره حلوه بس هما عايزين يظهروا بس الجانب السيى
وكتير
لما أصور مكان وناس تشوفه تقولى ايه ده المكان ده فين فمثلا لو قلت حديقه الازهر
يقولولى ايه ده احنا
رحنا
بس مشوفناش ده
احنا
اللى بنشوف الحاجه بعين جميلة أو سيئه
فى
لحظات لما تصورها بتفرق معاك لما مثلا تشوف صوره حد غلبان جدا وبيضحك وعلى وشه رضا
اكيد ده هيفرق معاك
او
لما تشوف حد فرحان اوى لدرجه انك لما تبصله تبقى عايز تضحك
او
لما ابقى بصور فى الشارع الاقى عيال صغيره بتقولى صورينى يا ابله
او
لما اصور عيد ميلاد صحبتى مع كل لحظه هى فيها اكيد هتبقى فرحانه بكل صوره وهتفكرها
بكل شخص شاركها اليوم ده.
انا
بالنسبالى التصوير حياه تانيه وعلى فكره التصوير برضه نفس زى الاكل مينفعش اعمل
كيكه وانا مليش نفس اكيد هتطلع وحش،
ولو
انا بتصور وليا نفس هتطلع جميله لكن لو مش ليه هتطلع صوره حلوه او عاديه
الصوره
بتفرق كتير معايا ياترى بتفرق معاك..؟!
آية محيسن
ليست هناك تعليقات:
إرسال تعليق